NEW MUMBAI,(Punjab Today News Ca):- ਮੁੰਬਈ ਦੀ ਇਕ ਅਦਾਲਤ ਨੇ ਸੋਮਵਾਰ ਨੂੰ ਭਾਰਤੀ ਕ੍ਰਿਕਟਰ ਪ੍ਰਿਥਵੀ ਸ਼ਾਅ (Indian Cricketer Prithvi Shaw) ਨਾਲ ਕਥਿਤ ਤੌਰ ‘ਤੇ ਛੇੜਛਾੜ ਕਰਨ ਅਤੇ ਉਸ ਦੀ ਕਾਰ ‘ਤੇ ਹਮਲੇ ਦੇ ਮਾਮਲੇ ‘ਚ ਸੋਸ਼ਲ ਮੀਡੀਆ ਇੰਫਲੂਏਂਸਰ ਸਪਨਾ ਗਿੱਲ (Social Media Influencer Sapna Gill) ਅਤੇ ਤਿੰਨ ਹੋਰ ਦੋਸ਼ੀਆਂ ਨੂੰ 14 ਦਿਨਾਂ ਦੀ ਨਿਆਂਇਕ ਹਿਰਾਸਤ ‘ਚ ਭੇਜ ਦਿੱਤਾ ਹੈ,ਸਪਨਾ ਅਤੇ ਹੋਰ ਦੋਸ਼ੀਆਂ ਨੂੰ ਸੋਮਵਾਰ ਨੂੰ ਮੁੱਢਲੀ ਪੁਲਿਸ ਰਿਮਾਂਡ (Police Remand) ਦੀ ਮਿਆਦ ਖਤਮ ਹੋਣ ‘ਤੇ ਮੈਜਿਸਟ੍ਰੇਟ ਦੀ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ,ਪੁਲਿਸ (Police) ਨੇ ਇਹ ਕਹਿੰਦਿਆਂ ਰਿਮਾਂਡ ਵਧਾਉਣ ਦੀ ਮੰਗ ਕੀਤੀ ਸੀ ਕਿ ਕਥਿਤ ਜੁਰਮ ਵਿਚ ਵਰਤੇ ਗਏ ਬੇਸਬਾਲ ਬੈਟ ਅਤੇ ਵਾਹਨ ਨੂੰ ਟਰੇਸ ਕਰਨ ਦੀ ਲੋੜ ਹੈ।
ਅਦਾਲਤ ਨੇ ਪਟੀਸ਼ਨ ਖਾਰਜ ਕਰ ਦਿੱਤੀ ਅਤੇ ਮੁਲਜ਼ਮ ਨੂੰ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ,ਪੁਲਿਸ ਨੇ ਮਾਮਲੇ ਵਿੱਚ ਦੰਗੇ ਅਤੇ ਜਬਰੀ ਵਸੂਲੀ ਦੇ ਅਸਲ ਦੋਸ਼ਾਂ ਤੋਂ ਇਲਾਵਾ ਭਾਰਤੀ ਦੰਡਾਵਲੀ ਦੀ ਧਾਰਾ 387 ਵੀ ਜੋੜ ਦਿੱਤੀ ਹੈ,ਸਪਨਾ ਗਿੱਲ (Sapna Gill) ਦੇ ਵਕੀਲ ਕਾਸ਼ਿਫ਼ ਅਲੀ ਖ਼ਾਨ ਨੇ ਅਦਾਲਤ ਨੂੰ ਦੱਸਿਆ ਕਿ ਇਹ ਵਾਧੂ ਧਾਰਾ ਸਿਰਫ਼ ਮੁਲਜ਼ਮਾਂ ਨੂੰ ਤੰਗ ਕਰਨ ਲਈ ਜੋੜੀ ਗਈ ਸੀ,ਇਹ ਘਟਨਾ ਬੁੱਧਵਾਰ ਨੂੰ ਮੁੰਬਈ ਦੇ ਸਾਂਤਾਕਰੂਜ਼ ਇਲਾਕੇ (Santa Cruz Area) ਦੇ ਇੱਕ ਵੱਡੇ ਹੋਟਲ ਦੇ ਬਾਹਰ ਵਾਪਰੀ,ਜਦੋਂ ਭਾਰਤੀ ਕ੍ਰਿਕਟਰ ਪ੍ਰਿਥਵੀ ਸ਼ਾਅ (Indian Cricketer Prithvi Shaw) ਨੇ ਸਪਨਾ ਨਾਲ ਸੈਲਫੀ ਲੈਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਉਨ੍ਹਾਂ ‘ਚ ਬਹਿਸ ਹੋ ਗਈ ਅਤੇ ਬਾਅਦ ‘ਚ ਮਾਮਲਾ ਵਧ ਗਿਆ।
