Vancouver,(Punjab Today News Ca):- ਬੀਤੇ ਦਿਨ ਹੈਲੋਵੀਨ ਪਾਰਟੀਆਂ (Halloween Parties) ਦੌਰਾਨ ਹੋਈਆਂ ਲੜਾਈਆਂ ਵਿਚ 5 ਲੋਕਾਂ ਦੇ ਛੁਰੇਬਾਜ਼ੀ ਦੌਰਾਨ ਗੰਭੀਰ ਜ਼ਖਮੀ ਹੋਣ ਦੀ ਖਬਰ ਹੈ,ਹੈਲੋਵੀਨ ਦੌਰਾਨ ਸ਼ਨੀਵਾਰ ਰਾਤ ਨੂੰ ਬਾਰਾਂ,ਰੈਸਟੋਰੈਂਟਾਂ ਅਤੇ ਗ੍ਰੈਨਵਿਲ ਸਟ੍ਰਿਪ ਤੇ ਹੋਰ ਥਾਵਾਂ ਤੇ ਭਾਰੀ ਭੀੜਾਂ ਜੁੜੀਆਂ,ਵੈਨਕੂਵਰ ਪੁਲਿਸ (Vancouver Police) ਮੁਤਾਬਿਕ ਬਾਰ, ਰੈਸਟੋਰੈਂਟ ਅਤੇ ਗ੍ਰੈਨਵਿਲ ਐਂਟਰਟੇਨਮੈਂਟ ਡਿਸਟ੍ਰਿਕਟ ਸ਼ਨੀਵਾਰ ਰਾਤ ਨੂੰ ਹੇਲੋਵੀਨ ਦਾ ਜਸ਼ਨ ਮਨਾਉਣ ਵਾਲਿਆਂ ਨਾਲ ਭਰੇ ਹੋਏ ਸਨ, ਜਿਸ ਦੌਰਾਨ ਲੜਾਈ ਹੋਣ ਦੀਆਂ ਖਬਰਾਂ ਮਿਲੀਆਂ।
ਓਕ ਸਟ੍ਰੀਟ ਅਤੇ ਵੈਸਟ ਬ੍ਰੌਡਵੇ (Oak Street And West Broadway) ਦੇ ਨੇੜੇ ਇੱਕ ਬਾਰ ਵਿੱਚ ਪੁਰਸ਼ਾਂ ਦੇ ਇੱਕ ਹੋਰ ਸਮੂਹ ਨਾਲ ਲੜਾਈ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਤਿੰਨ ਵਿਅਕਤੀ ਅਤੇ ਵਾਈਟ ਰੌਕ ਵਿਚ ਬਾਦ ਦੁਪਹਿਰ 1:30 ਵਜੇ ਦੇ ਕਰੀਬ ਚਾਕੂ ਮਾਰੇ ਜਾਣ ਦੀਆਂ ਘਟਨਾਵਾਂ ਵਾਪਰੀਆਂ,ਤਿੰਨ ਲੋਕਾਂ ਨੂੰ ਗੰਭੀਰ ਸੱਟਾਂ ਨਾਲ ਹਸਪਤਾਲ ਲਿਜਾਇਆ ਗਿਆ,ਗ੍ਰੈਨਵਿਲ ਸਟ੍ਰੀਟ (Granville Street) ‘ਤੇ ਹੋਈ ਇੱਕ ਵੱਡੀ ਲੜਾਈ ਦੌਰਾਨ 20 ਸਾਲਾਂ ਦੇ ਦੋ ਵਿਅਕਤੀਆਂ ਨੂੰ ਜ਼ਖ਼ਮੀ ਹਾਲਤ ਵਿਚ ਹਸਪਤਾਲ ਲਿਜਾਇਆ ਗਿਆ,ਕਿਸੇ ਸ਼ੱਕੀ ਦੀ ਪਛਾਣ ਨਹੀਂ ਹੋਈ।
