NEW MUMBAI,(PUNJAB TODAY NEWS CA):- ਅਕਸਰ ਆਪਣੀ ਡਰੈਸਿੰਗ ਸੈਂਸ (Dressing Sense) ਅਤੇ ਬੇਬਾਕ ਬਿਆਨਾਂ ਕਾਰਨ ਉਰਫੀ ਜਾਵੇਦ ਦਾ ਨਾਂ ਸੁਰਖੀਆਂ ‘ਚ ਬਣਿਆ ਰਹਿੰਦਾ ਹੈ,ਪਰ ਫਿਲਹਾਲ ਉਰਫੀ ਜਾਵੇਦ ਇਕ ਵੱਡੇ ਕਾਰਨ ਕਰਕੇ ਚਰਚਾ ‘ਚ ਬਣੀ ਹੋਈ ਹੈ,ਉਰਫੀ ਜਾਵੇਦ ਨੇ ਸੋਸ਼ਲ ਮੀਡੀਆ ‘ਤੇ ਖੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਕਿਸੇ ਅਣਪਛਾਤੇ ਕਾਲਰ ਤੋਂ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲੀਆਂ ਹਨ,ਜਿਸ ਕਾਰਨ ਹੁਣ ਉਰਫੀ ਜਾਵੇਦ ਨੇ ਇਸ ਮਾਮਲੇ ਸਬੰਧੀ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ,ਐਤਵਾਰ ਨੂੰ ਉਰਫੀ ਜਾਵੇਦ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ਸਟੋਰੀ (Instagram Handle Story) ‘ਤੇ ਇਸ ਮਾਮਲੇ ਨੂੰ ਲੈ ਕੇ ਕਈ ਖਬਰਾਂ ਸ਼ੇਅਰ ਕੀਤੀਆਂ ਹਨ,ਉਰਫੀ ਦੀ ਇੰਸਟਾ ਸਟੋਰੀ ‘ਚ ਇਕ ਵੀਡੀਓ ਵੀ ਮੌਜੂਦ ਹੈ।
ਜਿਸ ‘ਚ ਉਰਫੀ ਜਾਵੇਦ ਖੁਦ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲਣ ਦਾ ਦਾਅਵਾ ਕਰਦੀ ਨਜ਼ਰ ਆ ਰਹੀ ਹੈ ਕਿ-‘ਮੇਰੀ ਜ਼ਿੰਦਗੀ ਦਾ ਇਕ ਦਿਨ ਹੋਰ ਅਤੇ ਇਕ ਵਾਰ ਫਿਰ ਮੈਨੂੰ ਧਮਕੀਆਂ ਮਿਲੀਆਂ ਹਨ,ਬਿਮਾਰੀ ਵਿਚ ਵੀ ਪ੍ਰੇਸ਼ਾਨੀ ਵਿਚ ਸ਼ਿਕਾਇਤ ਕਰਨ ਥਾਣੇ ਆਇਆ ਹਾਂ,ਉਸ ਕੋਲ ਮੇਰੀ ਕਾਰ ਦਾ ਨੰਬਰ ਹੈ ਅਤੇ ਉਹ ਵਿਅਕਤੀ ਮੈਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇ ਰਿਹਾ ਹੈ,ਅਗਲੀ ਸਟੋਰੀ ਵਿੱਚ ਉਰਫੀ ਜਾਵੇਦ ਨੇ ਲਿਖਿਆ ਹੈ ਕਿ- ‘ਇਸ ਲਈ ਨੀਰਜ ਪਾਂਡੇ ਦੇ ਦਫ਼ਤਰ ਤੋਂ ਮੈਨੂੰ ਕਿਸੇ ਨੇ ਫ਼ੋਨ ਕੀਤਾ ਕਿ ਉਹ ਉਨ੍ਹਾਂ ਦਾ ਸਹਾਇਕ ਹੈ ਅਤੇ ਸਰ ਮੈਨੂੰ ਮਿਲਣਾ ਚਾਹੁੰਦੇ ਹਨ।
’ਇੰਸਟਾ ਸਟੋਰੀ (Insta Story) ‘ਚ ਉਰਫੀ ਜਾਵੇਦ ਨੇ ਅੱਗੇ ਲਿਖਿਆ ਹੈ ਕਿ- ‘ਇਸੇ ਲਈ ਮੈਂ ਕਿਹਾ ਸੀ ਕਿ ਮੀਟਿੰਗ ਤੋਂ ਪਹਿਲਾਂ ਪ੍ਰੋਜੈਕਟਾਂ ਦੇ ਸਾਰੇ ਵੇਰਵੇ ਜਾਨਣ ਦੀ ਲੋੜ ਹੈ,ਇਸ ‘ਤੇ ਕਥਿਤ ਸਹਾਇਕ ਸੱਚਮੁੱਚ ਗੁੱਸੇ ਵਿਚ ਆ ਗਿਆ ਅਤੇ ਕਿਹਾ ਕਿ ਮੈਂ ਨੀਰਜ ਪਾਂਡੇ ਦੀ ਬੇਇੱਜ਼ਤੀ ਕਰਨ ਦੀ ਹਿੰਮਤ ਕਿਵੇਂ ਕੀਤੀ,ਉਸ ਨੇ ਮੈਨੂੰ ਦੱਸਿਆ ਹੈ ਕਿ ਉਹ ਮੇਰੀ ਕਾਰ ਦਾ ਨੰਬਰ ਅਤੇ ਸਭ ਕੁਝ ਜਾਣਦਾ ਹੈ ਅਤੇ ਜਿਸ ਤਰ੍ਹਾਂ ਦੇ ਕੱਪੜੇ ਮੈਂ ਪਹਿਨਦੀ ਹਾਂ,ਉਸ ਕਾਰਨ ਮੈਨੂੰ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਜਾਣਾ ਚਾਹੀਦਾ ਹੈ,ਉਸਨੇ ਇਹ ਸਭ ਇਸ ਲਈ ਕਿਹਾ ਕਿਉਂਕਿ ਮੈਂ ਵੇਰਵੇ ਤੋਂ ਬਿਨਾਂ ਮੀਟਿੰਗ ਵਿੱਚ ਸ਼ਾਮਲ ਹੋਣ ਤੋਂ ਇਨਕਾਰ ਕਰ ਦਿੱਤਾ ਸੀ।
